काठमाडौं । इंग्लिस प्रिमियर लिग फुटबलमा म्यानचेस्टर सिटीले जित निकालेको छ ।
बिहीबार राति भएको खेलमा सिटीले टोटेनहमलाई ४-२ गोल अन्तरले हराएको हो ।
घरेलु मैदानमा सिटीले दुई गोलको अग्रता उल्टाएर जित निकालेको हो ।
खेलको ४४ औं मिनेटमा डेजन कुलुसेभास्कीले गोल गर्दै टोटेनहमलाई सुरुआती अग्रता दिलाएका थिए ।
पहिलो हाफको इन्जुरी समयमा इमर्सन रोयलले गोल गर्दै टोटेनहमको अग्रता दोब्बर बनाए ।
तर, दोस्रो हाफमा सिटी खेलमा फर्कियो ।
खेलको ५१ औं मिनेटमा जुलियन अल्भारेजले गोल गर्दै सिटीलाई २-१ को स्थितिमा ल्याए ।
५३ औं मिनेटमा अर्लिङ हालाण्डले गोल गरेपछि सिटीले खेल २-२ को बराबरी गर्यो ।
खेलको ६० औं मिनेटमा रियाद महरेजले गोल गरेपछि सिटी ३-२ ले अघि रह्यो ।
त्यसपछि खेलको ९० औं मिनेटमा महरेजले व्यक्तिगत दोस्रो गोल गर्दै सिटीलाई ४-२ को जित दिलाए ।
यस जितसँगै सिटीले १९ खेलमा ४२ अंक जोडेको छ ।
सिटी दोस्रो स्थानमा रहेको छ ।
टोटेनहम ३३ अंक जोडेर पाँचौं स्थानमा रहेको छ ।
