काठमाडौं । नेपाल टी–२० लिगमा पोखरा एभेन्जर्सले लगातार पाँचौँ हार व्यहोरेको छ । बिहीबार विराटनगर सुपर किंग्ससँग आठ विकेटले पराजित भएको पोखराको शीर्ष चारमा रहने सम्भावना पनि कमजोर बनेको छ ।
कीर्तिपुरस्थित त्रिवि क्रिकेट मैदानमा भएको खेलमा पोखराले प्रस्तुत गरेको १३६ रनको लक्ष्य विराटनगरले १८।४ ओभरमा दुई विकेट गुमाएर पूरा गर्यो ।
विराटनगरको जितमा अविजित रहेका रोहितकुमार पौडेलले सर्वाधिक ७१ रन बनाए । ५७ बल खेलेका रोहितले ५७ बलमा ६ चौका र तीन छक्का प्रहार गरे । गौरान्सु शर्माले ३३ रन बनाउँदा हुसैन लतालले अविजित २८ रन थपे । विराटनगरका ओपनर अर्जुन साउद भने ‘गोल्डने डक’ भएका थिए ।
पोखराका अमिर हम्जा र जहिर खानले समान एक विकेट लिए ।
न्यिदब िदबलप
यसअघि, टस हारेपछि ब्याटिङमा आएको पोखराले निर्धारित २० ओभरमा ६ विकेट गुमाएर १३५ रन बनाएको थियो ।
पोखराका अमिर हम्जो अविजित ३७ रन बनाएका थिए । सुमित महर्जनले ३६, कप्तान उपुल थरंगाले २५, प्रतिश जिसीले अविजित र १३ र आसिफ शेखले ११ रन जोडे ।
विराटनगरका एन्ड्रे म्याककार्थीले तीन विकेट लिए । चार ओभर बलिङ गरेका म्याककार्थीले २२ रन मात्र खर्चिएका थिए । यसबाहेक, नन्दन यादव, राज नानन र साहब आलमले समान एक विकेट लिए ।
लिगमा चार खेल खेल्दा दोस्रो जित निकालेको विराटनगर तालिकाको तेस्रो स्थानमा उक्लिएको छ । पाँच खेल खेल्दा पनि अंकविहीन पोखरा पुछारमा छ । नेपाल क्रिकेट संघ ९क्यान०को आयोजनामा प्रतियोगिता भएको हो ।
