कोलकोत्ता नाइट राइडर्स १७ औं संस्करणको इन्डियन प्रिमियर लिग (आईपीएल) को फाइलनमा पुगेको छ।
गयराति सम्पन्न पहिलो क्वालिफायरमा सनराइजर्स हैदरावादलाई ८ विकेटले हराउँदै कोलकोत्ताले चौंथो पटक फाइनलमा स्थान सुरक्षित गरेको हो।
टस जितेर पहिला ब्याटिङ्ग गर्न मैदान उत्रेको हैदरावादले खराब प्रदर्शन गर्दै निर्धारित ओभरमा १५९ रन मात्रै बनाउन सक्यो। १६० रनको लक्ष्यसहित मैदान उत्रेको कोलकोत्ताले १३.४ ओभर खेल्दै जम्मा २ विकेट गुमाएर जित हासिल गर्यो।
जितसँगै कोलकोत्ता फाइनलमा पुग्ने पहिलो टोली बनेको छ भने पराजित हैदरावादसँग एउटा मौका अझै छ फाइनलमा पुग्ने। हैदरावादले एलिमिनेटरमा विजेता बनेको टोलीसँग फाइनलमा पुग्नका लागि प्रतिस्पर्धा गर्नेछ।
