वेस्ट इन्डिज 'ए' सँग टी-२० शृङ्खला खेल्ने नेपाली टोली घोषणा गरिएको छ । नेपाल क्रिकेट संघ (क्यान)ले आज १६ सदस्सीय टोली घोषणा गरेको हो ।
रोहित पौडेलको कप्तानीमा रहेको टोलीमा आसिफ शेख, कुशल भुर्तेल, अनिल शाह, आरिफ शेख, सन्दीप जोरा, दीपेन्द्रसिंह ऐरी र कुशल मल्ल छन् । त्यस्तै, गुल्सन झा, ललितनारायण राजवंशी, करण केसी, सोमपाल कामी, प्रतिस जिसी, अविनाश बोहरा, विवेक यादव र आकाश चन्द पनि टोलीमा समावेश छन् ।
एसीसी प्रिमियर कप खेलेका सबै खेलाडीहरुलाई निरन्तरता दिँदै घोषित नेपाली टोलीमा आरिफ शेख थपिएका हुन् ।
नेपालले विश्वकप तयारीका लागि वेस्ट इन्डिज ‘ए’सँग घरेलु मैदानमा पाँच खेलको टी–२० शृंखला खेल्दैछ । नेपालविरुद्ध खेल्न वेस्ट इन्डिजको ‘ए’ टोली हिजो काठमाडौँ आइसकेको छ ।
शृंखलाअन्तर्गत पहिलो खेल शनिबार खेलिंदैछ ।
