भारतमा जारी आइसिसी विश्वकप क्रिकेट अन्तर्गत आज अफगानिस्तान र अस्ट्रेलियाबिच खेल हुँदैछ । नेपाली समय अनुसार दिउँसो २: १५ बजे देखि सुरु हुने यी दुई बिचको खेल भारतको वाङखडे क्रिकेट मैदानमा हुनेछ ।
जारी खेलमा दुवैको यो आठौँ खेल हो । यस अघिका ७ खेलमा अस्ट्रेलिया ५ जित र २ हारका साथ तेस्रो स्थानमा रहेको छ भने अफगानिस्तान ७ खेलमा ४ जित र ३ हारेकासाथ ८ अंक पाएर तालिकाको छैठाै स्थानमा रहेको छ । न्युजिल्याण्ड र पाकिस्तानको पनि ८ अंक छ तर रन रेटका आधारमा अफगानिस्तान छैठौ स्थानमा रहेको हो । आजको खेल दुवै टोलीका लागि सेमिफाइनलमा पुग्न महत्त्वपूर्ण हुनेछ । विश्वकपमा अस्ट्रेलिया र अफगानिस्तानबिच अहिलेसम्म जम्मा २ खेल भएका छन । दुई खेलमा दुवै पटक अस्ट्रेलिया विजयी भएको छ।
