चीनको हान्झाउमा हुने १९औं एसियन गेम्स अन्तर्गत महिला फुटबलमा नेपाल कठिन समूहमा परेको छ । बिहीबार भएको ड्र अनुसार नेपालले समूह चरणमा विश्व विजेता बनिसकेको जापानसँग खेल्नुपर्नेछ ।
नेपाल रहेको समूह डी मा जापानसिँगै भियतनाम र बंगलादेश छन् । नेपालले पछिल्लो पटक भियतनाम र बंगलादेशसँग खेलेको थियो । केही दिनअघि ढाकामा भएको बंगलादेशसँगको दुई मैत्रीपूर्ण सिरिज नेपालले जितेको थियो ।
पेरिस ओलम्पिक अन्तर्गत महिला फुटबल एसियन छनोट पहिलो चरणमा नेपालले भियतनामसँग दशरथ रंगशालमा दुई खेल खेलेको थियो । जसमा नेपाल भियतनामसँग ५(० र २(० ले पराजित भएको थियो ।
एसियन गेम्स महिला फुटबलमा कूल १९ राष्ट्रले सहभागिता जनाएका छन् । ड्र अनुसार तीन समूहमा तीन(तीन टिम र दुई समूहमा चार(चार टिम छन् । पाँच वटै टिमको बिजेता र उत्कृष्ट तीन उपबिजेता टिम क्वार्टरफाइनलमा प्रवेश गर्नेछन् ।
नेपाली महिला फुटबल टिमले पहिलो पटक एसियन गेम्स खेल्न लागेको हो । त्यसका लागि महिला टोली अहिले प्रशिक्षण गरिरहेको छ ।
