ओपनर शुभमन गिलको ६३ रनको मद्दतमा डिफेन्डिङ च्याम्पियन गुजरात टाइटन्सले शुक्रबार एक लाख दर्शकअगाडि इन्डियन प्रिमियर लिग (आईपीएल) २०२३ मा विजयी सुरुवात लिएको छ । टाइटन्सले चेन्नई सुपर किंग्सलाई पाँच विकेटले हराएको हो ।
जितका लागि १ सय ७९ रन पछ्याएको गुजरात चार बल बाँकी छँदा जितसम्म पुगेको थियो । गिलले ३६ बलमा खेलको आक्रामक प्रदर्शनमा टिकेर विश्व क्रिकेटकै सबैभन्दा ठूलो स्टेडियममा यो जित निकालेको हो ।
टस हारेर पहिले ब्याटिङको निम्तो पाएको चेन्नाइका लागि भने रुतुराज गायकवाडले ५० बलमा ९२ रन बनाए । उनले चार चौका र नौ छक्का प्रहार गरे । पछि गिलले आफ्नो इनिङ्समा छ चौका तथा तीन छक्का प्रहार गरे ।
खेलका ‘प्लेयर अफ द म्याच’ भने गुजरातका रसिद खान भए । उनले चार ओभरमा २६ रन खर्चेर दुई विकेट लिएका लिएका थिए । आईपीएसलको १६ औं संस्करणको उद्घाटनको अवसर भब्य कार्यक्रमको आयोजना गरिएको थियो ।
