एस् ए टी भी २१ चैत्र, काठमाडौँः लिभरपुलले इङ्लिस प्रिमियर सिपको उपाधि जित्ने सम्भावनालाई अझ बलियो बनाएको छ। डिएगो जोटाको निर्णायक गोलमा लिभरपुलले बुधबार राति भएको खेलमा एभरटनलाई १-० ले हरायो। जोटाले खेलको ५७ औँ मिनेटमा लुइज डियाजको पासमा गोल गरेका हुन्।
यसैगरी म्यानचेस्टर सिटीले लिसेस्टर सिटीलाई २-० ले हरायो। ज्याक ग्रेयासलसले दोस्रो मिनेटमा गरेको गोलमा अग्रता लिएको म्यानचेस्टर सिटीका लागि ओमार आरमाउसले २९ औँ मिनेटमा गोल गरे ।
न्यु क्यासलले पनि ब्रेन्टफोर्डलाई २-१ ले हरायो। सो खेलमा न्यु क्यासलका लागि अलेक्जेन्डर इसाकले २० औँ प्रिमियर सिप गोल गरे भने ब्रेन्टफोर्डका ब्रायन एम्फुफोल गोल गरे। न्यु क्यासलका सान्ड्रो टोनालीले गोल गरे।
बुधबार भएका अन्य खेलमा इप्सविचले बोर्नमाउथलाई २-१ ले तथा अस्टन भिल्लाले ब्रिङटनलाई ३-० ले हरायो। साउथ हाम्टन र क्रिस्टल प्यालेसको खेलमा १-१ गोलको बराबरी भयो।
३० खेलको समाप्तिमा लिभरपुल ७३ अंकसहित शीर्ष स्थानमा तथा आर्सनल ६१ अंकसहित दोस्रो स्थानमा छन्। नटिङघमको ५७ तथा म्यानचेस्टरको ५१ अंक छ। न्यु क्यासलको ५० तथा एक खेल कम खेलेको चेल्सीको ४९ अंक छ। अस्टन भिल्लाको ४८ तथा ब्रिङटनको ४७ अंक छ।
