एस ए टिभी , २२ फाल्गुन, काठमाडौं : विभागीय टोली त्रिभुवन आर्मी क्लब इलाममा जारी दोस्रो अन्तर्राष्ट्रिय आमन्त्रित महिला गोल्डकप फुटबलको फाइनल पुगेको छ । बुधबार सेमिफाइनलमा आर्मीले आयोजक ओएसिस क्लबलाई २–० ले हरायो ।
आर्मीको जितमा दुवै गोल बिमला चौधरीले गोल गरिन् । खेलको ४० औं मिनेटमा गोल गर्दै खाता खोलेकी विमलाले ८२ औं मिनेटमा सपना लामाको पासलाई दोस्रो गोल गरेकी हुन् । सुरुआती चरणबाटै आर्मीको दबाबमा रहेको आयोजकका खेलाडीले पटक–पटक प्राप्त अवसर गोलमा परिणत गर्न नसक्दा गोलविहीन भयो ।
दुई गोल गरेकी विमला प्लेयर अफ द म्याच भइन् । उनले ५ हजार पाइन् भइन् ।
बिहीबार अर्को सेमिफाइनल नेपाल पुलिस क्लब र एपीएफ क्लबबीच प्रतिस्पर्धा हुने आयोजक ओएसिस क्लब इलामले जनाएको छ ।
