काभा महिला च्यालेन्ज कपअन्तर्गत समूह ‘ए’को पहिलो खेलमा भारतले बंगलादेशलाई ३–० को सोझो सेटमा पराजित गरेको छ। सोमबारदेखि सुरु भएको प्रतियोगितामा भारतविरुद्ध निरीह देखिएको बंगलादेशले दोहोरो अंकमा बनाउन सकेन।
पहिलो सेटमा तीन अंक मात्रै जोडेको बंगलादेशले २५–३ को नतिजामा पहिलो सेट सुम्पिएको थियो। दोस्रो सेट २५–९ ले जितेको भारतले तेस्रो सेटमा पनि २५–६ को सहज जित निकाल्यो।
आजै भएको समूह ‘बी’को पहिलो खेलमा उज्बेकिस्तानले श्रीलंकालाई ३–० को सोझो सेटमै पराजित गरेको थियो। आयोजक नेपालले आफ्नो पहिलो खेलमा सोमबार दिउँसो ४: ३० बजे किर्गिस्तानसँग खेल्ने छ।
