टी–२० आई त्रिकोणीय शृंखलाको पहिलो म्याच केहीबेरपछि सुरु हुँदैछ । कीर्तिपुरस्थित त्रिवि खेलमैदानमा हुने खेलमा आज नेपाल र नामिबिया भिड्दैछन् ।
नामिबियाले टस जितेर पहिले ब्याटिङ रोजेको छ । नामिबियाका कप्तान जेजे स्मितले टस जितेर पहिलो ब्याटिङ रोजेका हुन् । नियमित कप्तान जेरार्ड एरास्मस आजको म्याचमा नखेल्ने भएकाले नामिबियाको नेतृत्व जेजे स्मितले गरेका हुन् ।
नेपाल केहीबेरपछि फिल्डिङका लागि मैदानमा उत्रनेछ । नेपाली टोली रोहितकुमार पौडेलको कप्तानीमा उत्रँदैछ । एकदिवसीय टिममा नरहेका सन्दीप जोरा, विवेक यादव र अभिनाश बोहोराले आज मौका पाएका छन् ।
यस्तै, कुशल भुर्तेल, आसिफ शेख, दीपेन्द्र सिंह ऐरी, सोमपाल कामी, करण केसी, यादव र गुलशन झा टिममा छन् ।
नामिबियाको टोलीमा जेपी कोट्जे, जान फ्रिलिंक, मलान क्रुगर, माइकल भान लिंगेन, जेन ग्रीन, रुबेन ट्रम्पलम्यान, जेजे स्मिट, जान निकोल लोफ्ट इटन, बर्नार्ड स्कोल्ज, टांगेनी लुन्गामेनी र पिटर ब्लिगनट छन् ।
नेपाल, नामिबियासँगै शृंखलामा नेदरल्यान्ड्स पनि सहभागी छ ।
