कार्यक्रमलाई औपचारिक सुरुवात गर्नुहुँदै चिनियाँ राजदूतावासका उपप्रमुख वाङ सिन (दायाँ) हाबे शिक्षा विभागका उपाध्यक्ष वाङ लिछोन्(बायाँ) । तस्बिर - विशाल श्रेष्ठ/एस ए टि भी
ललितपुरस्थित काठमाडौं युनिभर्सिटीले कन्फ्युसियस इन्स्टिच्युटको १६औं बार्षिक उत्सवको अवसरमा सोमबार साँझ पत्रकार सम्मेलनको आयोजना गरेको छ। चीन अध्ययन केन्द्र, नेपाल–चीन सांस्कृतिक तथा शैक्षिक परिषद् र नेपालमा चाइना कल्चर सेन्टरको संयुक्त सहकार्यमा नेपाल–चीन शैक्षिक साँस्कृतिक आदानप्रदान र विकास सम्बन्धी गोष्ठीको आयोजना गरिएको हो । नेपालस्थित चिनियाँ राजदूतावासका उपप्रमुख वाङ सिनले दीप प्रज्वलन गरी कार्यक्रमको सुरुवात गरेका थिए ।
कार्यक्रम नेपाल र चीनबीचको सांस्कृतिक आदानप्रदान, अन्तर्राष्ट्रिय चिनियाँ भाषा शिक्षा र यसको महत्त्वलगायतका विषयमा केन्द्रित थियो । सम्मेलनमा चिनियाँ राजदूतवासका उपप्रमुख वाङ सिन, चिनकालागी नेपालका पूर्व राजदुत लिला मनी पौडेल, हाबे शिक्षा विभागका उपाध्यक्ष वाङ लिछोन्, विद्यार्थी लगायत अन्य पत्रकार मित्रहरूको उपस्थिति रहेको थियो।
काठमाडौंस्थित कन्फ्युसियस इन्स्टिच्युटका रजिष्टार, निर्देशक प्रा.डा अच्युत वाग्लेले ‘कानुनी क्षतिविना १६ वर्ष पुगेपछि तिमी देशको थलो बन्छौ’ भन्ने भनाइलाई प्रकाश पार्दै प्रतिष्ठान आफ्नो १६ वार्षिकोत्सवसँगै परिपक्व भएको जनाए।
चीनका लागि नेपाली पुर्व राजदूत श्री लीलामणि पौडेलले दुई देश, चीन र नेपालबीचको व्यापार, लगानी, पर्यटनमा बृद्धि हुने सम्भावनाबारे प्रकाश पारे। चिनियाँ भाषा सिक्ने माग र महत्व उल्लेख्य रूपमा बढ्दै गएकाले चिनियाँ सरकारले हरेक वर्ष सयौं विद्यार्थीलाई छात्रवृत्ति प्रदान गर्दै आएकोमा उनले आभारी समेत ब्यक्त गरे ।
पौडेलले चिनियाँ विश्वविद्यालयमा भर्ना हुन चाहने विद्यार्थीलाई सहजीकरणका लागि प्रमाणपत्र उपलब्ध गराउन आवश्यक परीक्षा सञ्चालन गरिरहेको काठमाडौं विश्वविद्यालयको कन्फिसियस इन्स्टिच्युटले संस्कृतिको प्रवद्र्धन, समझदारी र बलियो व्यक्तित्व निर्माण गर्ने साझा लक्ष्यलाई अघि बढाएको जानकारि गराए।
नेपालका लागि चिनियाँ दूतावासका माननीय वाङ सिनले जानकारी दिनुभयो, "चिनियाँ दूतावासले हालै नेपालको राष्ट्रिय शैक्षिक प्रणालीमा चिनियाँ भाषा सिकाइलाई सहयोग गर्न नेपालका सम्बन्धित निकायहरूसँग काम गरिरहेको छ। विद्यार्थीहरूको विकास र सफल बन्नका लागि यो सहयोग रहेको छ।"
काठमाडौं विश्वविद्यालयका उपकुलपति भोला थापाले चीनको समृद्ध शिक्षासँग जोड्न थप ढोका खोल्नका लागि विश्वस्त प्रतिष्ठानले विभिन्न गतिविधिहरू सञ्चालन गरिरहेको बताए । उनले सम्बोधन गरे, "चीनले नेपालको पर्यटनको शीर्ष स्रोतको रूपमा आफूलाई स्तरोन्नति गर्न योगदान गरिरहेकोले चिनियाँ पर्यटकलाई खुसी पार्न भाषा राम्रो सम्पत्ति हुन सक्छ।" उनले थपे, "कन्फिसियस इन्स्टिच्युटको माध्यमबाट हामीले चीनको सरकार, जनता र शिक्षाविद्हरूसँग थप सम्बन्ध स्थापित गर्नेछौं।" यसले नेपाललाई सुखी र समृद्ध बनाउन विज्ञान तथा प्रविधिको क्षेत्रमा सहकार्य गर्न सक्ने उनको दृढ विश्वास रहेको छ ।
कार्यक्रम र उत्सवलाई जीवन्त बनाउन सांस्कृतिक प्रदर्शनहरू एकीकृत गरिएको थियो। भायोलिन बजाउने, नेपाल र नेपाली संस्कृतिबारे चिनियाँ भाषामा कविता वाचनले दर्शकमा सन्तुष्टिको भावना बढाएको थियो । सियाओलिन नेपालका विद्यार्थीहरूले नेपाली समाजमा कुङफुको प्रतिभा र बढ्दो साझा संस्कृति झल्काउने चिनियाँ कुङफु प्रदर्शन गरेका थिए। चिनियाँ चिया संस्कृतिलाई नेपाली विद्यार्थीहरूले कुशलतापूर्वक सञ्चालन गर्दा चिनियाँ चिया संस्कृतिलाई स्पष्ट रूपमा प्रस्तुत गरिएको थियो।
