शहीद स्मारक ए डिभिजन लिग फुटबल अन्तर्गत शनिबार सिजनको अन्तिम चरणका अन्तिम तीन खेल हुँदैछ।
दशरथ रंगशालामा दिउँसो २ बजे हुने पहिलो खेलमा मच्छिन्द्र फुटबल क्लब र मनाङ मर्स्याङ्दी क्लबबीच प्रतिस्पर्धा हुनेछ।
यस्तै च्यासल खेल मैदानमा दिउँसो २ बजे संकटा क्लब र न्युरोड टिम (एनआरटी) भिड्नेछन्। रंगशालामा अपराह्न साढे ५ हुने खेलमा जावलाखेल युथ क्लब र थ्री स्टार क्लबबीच प्रतिस्पर्धा हुनेछ।
