एस ए टी भी २५ कात्तिक, काठमाडौं । भिनिसियस जुनियरको ह्याट्रिक मद्तमा रियल मड्रिडले स्पानिस ला लिगामा बनिबार ओसासुनालाई ४-० ले पराजित गरेको छ ।
घरेलु मैदान सान्टियागो वर्नावेउमा भएको खेलमा भिनिसियसले ३४औं,६१औं र ६९औं मिनेटमा गोल गरे । जुड बेलिङघमले ४२औं मिनेटमा गोल गरे ।
रियलले सहज जित हात पारेपनि खेलाडीको चोटले त्यसलाई छायामा पार्यो । रियलका डिफेण्डर एडर मिलिटाओलाई ३०औं मिनेटमा स्ट्रेचरमा राखेर मैदान बाहिर ल्याउनुपरेको थियो । उनको एसिएल च्यातिएको रियल मड्रिडले जनाएको छ ।
यस्तै रोड्रिगोले पनि २०औं मिनेटमा चोटका कारण मैदान छाड्नुपरेको थियो ।
जितपछि दोस्रो स्थानको रियलले १२ खेलबाट २७ अंक जोडेको छ र शीर्ष स्थानको बार्सिलोनासँग अंकदूरी ६ मा झारेको छ । समान खेलबाट बार्सिलोनाको ३२ अंक छ ।
