एस् ए टी भी, २० असोज काठमाण्डौंः नेपाल प्रिमियर लिग (एनपिएल) को अक्सन (लिलामी) आज हुँदैछ। नेपाल क्रिकेट सङ्घ (क्यान) को टी–२० फ्रेन्चाइज क्रिकेट प्रतियोगिता एनपिएलका ८ टीमका लागि आज अक्सन हुन लागेको हो।
आगामी मङ्सिर १५ देखि पुस ६ गतेसम्म सञ्चालन हुने लिगमा सहभागी ८ टीमले आफ्ना लागि खेलाडी खरिद गर्नेछन्।
एनपिएलमा पोखरा एभेन्जर्स, काठमाडौँ गुर्खाज, चितवन राइनोज, लुम्बिनी लायन्स, जनकपुर बोल्ट्स, विराटनगर किङ्स, कर्णाली याक्स र सुदूरपश्चिम रोयल्सले सहभागीता जनाउने छन्।
अहिलेसम्म एनपिएलका लागि ४ सय २६ जना खेलाडीले नाम दर्ता गराएका छन्।
