विराटनगर । चर्को ब्याजदरको विरोधमा मोरङका उद्योगी, व्यवसायीले बिहीबार विराटनगरस्थित नेपाल राष्ट्र बैंकको कार्यालयअगाडि प्रदर्शन गरेका छन् । मोरङ व्यापार संघ, नेपाल उद्योग परिसंघ, उद्योग संगठन मोरङलगायत संगठनका प्रतिनिधि त्यहाँ धर्नामा बसेका छन् ।
धर्नाअघि उनीहरूले विराटनगरमा प्लेकार्डसहित विरोध जुलस निकालेका थिए । व्यापार संघका निवर्तमान अध्यक्ष प्रकाश मुन्दडाले माग पूरा नहुन्जेलसम्म आन्दोलनलाई निरन्तरता दिइने बताए ।
उनले भने, “बैंकले गरेको अत्याचारका कारण हामी सडकमा आइसकेका छौँ । अब सडकमै धर्ना बस्नुको विकल्प छैन ।” अहिले व्यवसाय गर्न सक्ने अवस्था नरहेको उनको भनाइ छ ।
यसअघि पनि व्यावसायिक संगठन अर्थमन्त्रीको राजीनामा माग्दै विरोधमा उत्रिएका थिए ।
