काठमाडौं । स्पेनले युरो कपको उपाधि जितेको छ । आइतबार राति भएको फाइनल खेलमा स्पेनले इङल्याण्डलाई २–१ गोल अन्तरले हराउँदै उपाधि जितेको हो ।
स्पेनको जितमा निको विलियम्स र मिकेल ओयारजाबालले एक एक गोल गरेका थिए । विलियम्सले खेलको ४७औ मिनेट र मिकेलले ८६औँ मिनेटमा गोल गरेका थिए ।
त्यस्तै इङल्याण्डका लागि एक गोल कोल पाल्मरले खेलको ७३औं मिनेटमा गोल गरेका थिए ।
योसहित स्पेनले सबैभन्दा बढी चौथो पटक युरो कपको उपाधि जितेको छ । स्पेनले यस अघि १९६४, २००८ र २०१२ मा युरो कपको उपाधि जितेको थियो ।
इङल्याण्ड भने लगातार दोस्रो पटक युरो कपको उपविजेता बनेको छ । अघिल्लो संस्करणमा पनि फाइनल पुगेर इङ्ल्याण्ड इटालीसँग पराजित भएको थियो ।
