एस् ए टी भी २७ मंसिर, काठमाण्डौंः नेपालकी डुवाना लामाले विश्व एक्वेटिक्स पौडी च्याम्पियनसिप (सर्ट कोर्स) मा नयाँ राष्ट्रिय कीर्तिमान कायम गरेकी छन्।
हंगेरीको बुढापेस्टमा जारी प्रतियोगितामा डुवानाले महिला सय मिटर ब्रेस्टस्ट्रोकमा राष्ट्रिय कीर्तिमान बनाएकी हुन्। उनले १ मिनेट १३.५० सेकेन्डमा दूरी पूरा गर्दै आफ्नै नाममा रहेको राष्ट्रिय कीर्तिमानमा सुधार गरेको नेपाल पौडी संघका अध्यक्ष जगतमान श्रेष्ठले जानकारी दिए।
डुवानाको नाममा एक मिनेट १६.४५ सेकेन्डको राष्ट्रिय कीर्तिमान थियो। उक्त कीर्तिमान डुवानाले थाइल्यान्डमा भएको उमेरसमूहको प्रतियोगितामा बनाएको पौडी संघका सचिव गंगालाल गोलेले जानकारी गराए।
