इजरायलले गाजामा मानवीय सहयोग पुर्याउनका लागि युद्धविरामका लागि सहमति जनाएको छ।
विश्व स्वास्थ्य सङ्गठनका अनुसार गाजामा बालबालिकालाई पोलियोविरुद्धको खोपका लागि इजरायलले युद्धविराममा सहमति जनाएको बताएको छ।
बीबीसीका अनुसार सङ्गठनका वरिष्ठ अधिकारी रिक पीपरकोर्नले गाजापट्टीमा चलाइने पोलियो खोप अभियानमा ६ लाख ४० हजार बालबालिकालाई खोप लगाइने छ।
आइतवारबाट सुरु हुने तीन दिने अभियानमा गाजाको मध्य, दक्षिणी र उत्तरी क्षेत्रका बालबालिकालाई खोप लगाइने रिकले बताए।
युद्ध विराम अभियान स्थानीय समय अनुसार बिहान ६ बजेदखि ३ बजेसम्म लागु रहनेछ।
यसअघि, युरोपियन युनियनले खोप अभियानका लागि इजरायललाई आग्रह गरेको थियो।
