काठमाडौं – भारतीय विदेशमन्त्री डा. एस जयशंकर र चिनियाँ समकक्षीबीच भेटवार्ता भएको छ । उनीहरुबीच बिहीबार लाओसको राजधानी भियन्टाइनमा भेटवार्ता भएको हो ।
भेटमा दुई मुलुकबीचको सम्बन्धलाई थप मजबुत बनाउनेमा दुवै विदेशमन्त्री सहमत भएको भारतीय पक्षको भनाइ छ ।
दुवै मुलकका विदेशमन्त्रीबीच त्यहाँ आयोजित दक्षिणपूर्वी एसियाली मुलुकहरुको संगठन आसियानको विदेश मन्त्रीस्तरीय बैठकमा सहभागी हुने क्रममा छुट्टै भेट भएको हो ।आसियानको मन्त्रीस्तरीय बैठकमा अमेरिकी विदेशमन्त्री एन्टोनी ब्लिन्केनको पनि उपस्थिति छ ।
अमेरिकी विदेशमन्त्रीले लाओससँगै भियतनाम, सिंगापुर, फिलिपिन्स र मंगोलियाको पनि भ्रमण गर्ने तालिका छ ।
