मेलबर्न । अष्ट्रेलियाको एउटा अदालतले विषालु च्याउ खुवाएर आफन्तलाई मारेको आरोपमा दोषी ठहर भएकी महिलालाई आजीवन कारावासको सजाय सुनाएको छ ।
दोषी महिला एरिन प्याटर्सनले आफ्नो पूर्व पतिका आमाबाबुलाई विषालु च्याउ खुवाएर मारेको यस घटनाले सारा संसार तरङ्गित बनेको थियो । यो मुद्दामा कस्तो फैसला आउला भनेर सारा संसारले हेरिरहेका थिए ।
के हो मामिला ?
पूर्व पतिका आमाबाबु सहित तीन जनालाई प्याटर्सनले विषाक्त च्याउ खुवाएर मारेकी थिइन् । प्याटर्सनलाई जुलाईमा हत्याको दोषी ठहराइएको थियो । सोमबार अदालतले उनलाई आजीवन कारावासको सजाय सुनाएको छ । उनले सन् २०२३ मा आफ्नो पूर्व पतिका आमाबाबु र काका–काकीलाई आफ्नो घरमा खाना खान निम्तो दिएकी थिइन् ।
यस क्रममा खानामा उनले विषाक्त च्याउ मिसाइन् । सो खाना खादा तीन जनाको मृत्यु भयो । यो मुद्दा संसारभर ‘मशरुम मर्डर’को रूपमा प्रसिद्ध छ । यी हत्याहरूको कारण अहिलेसम्म थाहा हुन सकेको छैन ।
आफूले अनजानमा खानामा विषाक्त च्याउ मिसाएको दाबी गरेकी प्याटर्सनले गरेकी थिइन् । तर, अदालतले उनको दाबी स्वीकार गरेन । यो घटना भएको पूर्व पतिसँग प्याटर्सनको झगडा भइरहेको थियो । बच्चाहरूको खर्चलाई लिएर दुवैबीच विवाद चलिरहेको थियो । अदालतको आदेश अनुसार, एरिनले ३३ वर्षपछि मात्र परोल पाउनेछिन् । त्यतिबेला उनी लगभग ८३ वर्षको हुनेछिन् । यो सजाय विरुद्ध अपील दिन पैटर्सनसँग २८ दिन बाँकी छ ।
