बेलायतका प्रधानमन्त्री बोरिस जोनसनले युक्रेन वरिपरि तनाव बढ्दै जाँदा थप ३५० ब्रिटिश सेना पोल्याण्डमा अवतरण गरेका पुष्टि गरेका छन् । ‘आज बेलायतको ४५ कमाण्डो युनिट पोल्याण्डमा प्रवेश गरेको छ,’ जोनसनले वार्सामा आफ्नो पोलिश समकक्षी माटेउज मोराविकीसँग भेटपछि उल्लेख गरेका छन् ।
जोनसनका अनुसार भर्खरै आएका सैनिक पोल्याण्डमा नाटोको फर्वार्ड उपस्थिति बढाउन योगदान गर्ने १५० बेलायती सेनामा पनि सामेल हुनेछन् ।
‘म यहाँ आएको कारण पोल्याण्ड हाम्रो सामूहिक युरोपेली सुरक्षाको लागि एकदमै महत्वपूर्ण छ र पछिल्लो १०० वर्षको पाठ यो हो कि जब पोल्याण्ड अस्थिरता वा पोल्याण्डको सिमानामा आक्रमणको खतरामा छ तब हामी सबैलाई त्रासको अनुभूति हुन्छ ।’ प्रधानमन्त्रीले भने । जोनसन ब्रसेल्सबाट वार्सा पुगेर नेटो महासचिव जेन्स स्टोल्टनबर्गसँग युक्रेनको अवस्थाबारे छलफल गरेका थिए ।
