अफगानिस्तानको संकटलाई लिएर विश्वको मौन विरोधमा महिलाहरूले विरोध गरेका छन्।
काबुलमा महिला कार्यकर्ताहरूले “विश्वले हामीलाई किन मौन बसेर हेरिरहेको छ ? ” लेखिएको प्ले कार्डहरु प्रदर्शन गरेका थिए। अफगानिस्तानको संकटमा अन्तर्राष्ट्रिय समुदायको निष्क्रियताको विरोध गर्दै झण्डै एक दर्जन महिलाले तालिवानको बिरोध गरेका थिए। उनीहरूले शिक्षाको अधिकार र काम गर्ने अधिकार भन्ने ब्यानर बोकेका थिए।
प्रदर्शनकारीहरुले राष्ट्रसंघका महासचिवलाई मानव अधिकार, शिक्षा र काम गर्नका लागि समर्थन गर्न आग्रह गरेका थिए। अफगानिस्तानमा महिला कार्यकर्ताहरूको स्वस्फूर्त आन्दोलन भैरहेको आयोजकहरू मध्ये एक वाहिदा अमिरी जानकारी दिईन। काबुलमा हालैका हप्ताहरूमा महिलाहरूद्वारा प्रतीकात्मक प्रदर्शनहरू नियमित घटना भएका छन। तालिबानले अझै पनि उनिरूलाई काममा फर्कन अनुमति दिएको छैन। अधिकांश केटीहरूलाई स्कूल जान अनुमति दिईएको छैन। गत बिहीबार करिब २० जना महिलालाई ९० मिनेटभन्दा बढी समयसम्म र्यालीमा जान अनुमति दिइएको थियो। तर र्यालीको समाचार संकलन गर्ने धेरै विदेशी र स्थानीय पत्रकारहरूलाई तालिवान लडाकुहरूले कुटपिट गरेका थिए।
