कोरोना भाइरस (कोभिड–१९) महामारीका कारण यस वर्षको एसईई र कक्षा १२ को बोर्ड परीक्षा स्थगित हुने भएको छ ।
राष्ट्रिय परीक्षा बोर्डका सदस्य तथा शिक्षा विभागका महानिर्देशक बैकुण्ठ प्रसाद अर्यालका अनुसार एसईई र कक्षा– १२ को परिक्षा स्थगित गर्ने निर्णय गरेको बताए ।
सोमबार विहान बसेको राष्ट्रिय परीक्षा बोर्डको बैठकले संक्रमण न्युनिकरणका लागि लागु गरिएको निषेधाज्ञाका कारण दुवै तहका परीक्षा स्थगित गर्ने निर्णय गरेको छ ।
एसईई जेठ १३ गतेदेखि र १२ कक्षाको परीक्षा जेठ २६ देखि शुरु गर्ने मिति तय भएको थियो ।
