अमेरिकाको भर्जिनियाको रिचमण्डमा एक हाईस्कूलको दीक्षान्त समारोह भइरहेको थियटर अगाडीको पार्कमा अन्धाधुन्ध गोली चलेको छ। सो गोलीकाण्डमा दुई जनाको मृत्यु भएको छ भने पाँच जना घाइते भएको बीबीसीले जनाएको छ।
मंगलबार साँझ सवा ५ बजे अल्ट्रिया थियटरमा हाइस्कूल विद्यार्थीहरूको दीक्षान्त समारोह चल्दै गर्दा थियटर बाहिर रहेको मोनरो पार्कमा अन्धाधुन्ध गोली चलेको हो।
मारिनेहरूमा स्नातक कक्षामा अध्ययनरत १८ वर्षीय पुरुष र उनका ३६ वर्षीय बुबा रहेको प्रहरीले जनाएको छ। प्रहरीले उनीहरुको परिचय भने सार्वजनिक गरेको छैन।
गोली चलाउने दुई जनालाई प्रहरीले नियन्त्रणमा लिएको छ।
