प्यासिफिक एसिया ट्राभल एसोसिएसन (पाटा) को वार्षिक शिखर सम्मेलनमा विश्व पर्यटन बजारमा देखिएको आकर्षण र विश्वमा उत्पन्न आर्थिक मन्दीले पर्यटन क्षेत्रमा पार्ने प्रभावबारे विशेष छलफल भएको छ । 

पोखरामा मङ्गलबारदेखि सुरु भएको प्यासिफिक एसिया ट्राभल एसोसिएसन (पाटा) को वार्षिक शिखर सम्मेलन तथा एडभेन्चर मार्ट–२०२३ को उद्घाटन समारोहका सहभागीबीच छलफल भएको हो । सम्मेलनमा सहभागी राष्ट्रका प्रतिनिधिले कोभिडपछि विश्व पर्यटन बजार नै प्रभावित 

भएको र छलफल सुधारका लागि प्रभावकारी हुने विश्वास लिएका छन् । 

पोखरामा चार दिनसम्म चल्ने सम्मेलनमा नेपालसहित २१ देशका २५० भन्दा बढी प्रतिनिधिले भाग लिएका छन् । एसिया प्रशान्त क्षेत्रका ट्राभल सङ्घ संस्थाको छाता संंस्था पाटाको सम्मेलन संस्कृति पर्यटन तथा नागरिक उड्डयन मन्त्रालय, पर्यटन बोर्ड तथा पाटाको मुख्य आयोजना एवं पोखरा पर्यटन परिषद्को संयोजनमा भएको हो । 

नेपालमा पहिलो पटक आयोजना भएको यो सम्मेलनले कोरोना महामारीले थलिएको पर्यटन क्षेत्र उकास्नुका साथै नेपाललाई साहसिक पर्यटकीय गन्तव्यका रूपमा चिनाउन सघाउने अपेक्षा गरिएको छ । अमेरिका, बेलायत, जर्मनी, अस्टे«लिया, नेदरल्यान्ड, स्विट्जरल्यान्ड, फिलिपिन्स, सिङ्गापुर, कोरिया, संयुक्त अरब इमिरेट्स, साउदी अरेबिया, भारत, पाकिस्तान, श्रीलङ्का, चीन, हङकङ, थाइल्यान्ड, ताइपेई, अजरबैजान, मलेसिया, नेपाललगायतका २१ देशका प्रतिनिधि सहभागी छन् ।

गण्डकी प्रदेशका मुख्यमन्त्री सुरेन्द्रराज पाण्डेले नेपाल प्रकृति, संस्कृति र साहसिक पर्यटनका लागि राम्रो गन्तव्य भएको बताउनुभयो । सम्मेलनले नेपालको पर्यटनलाई थप चलायमान बनाउन सहयोग पुग्ने उहाँको भनाइ छ । उहाँले पोखरामा निर्माण सम्पन्न भएको पोखरा अन्तर्राष्ट्रिय विमानस्थलमा हवाई कनेक्टिभिटीका लागि आआफ्ना देशमा पहल गर्न पनि पाटा प्रतिनिधिलाई आग्रह गर्नुभयो । 

उद्घाटनमा बोल्दै माल्दिभ्सका पर्यटनमन्त्री डा अब्दुल मौसुमले पोखरा साहसिक पर्यटनको राम्रो गन्तव्य भएको बताउनुभयो । उहाँले हिमाल र समुद्रबीचको पर्यटनलाई जोड्न नेपाल र माल्दिभ्सले मिलेर काम गर्न सक्ने बताउनुभयो । पाटा इन्टरनेसनलका अध्यक्ष पिटर साइमोनले नेपालमा आयोजना गरिएको यो पाटा मार्टले समग्र पर्यटनका बारेमा सकारात्मक सन्देश दिने विश्वास व्यक्त गर्नुभयो । 

पोखरा महानगरपालिकाका मेयर धनराज आचार्यले पोखरा साहसिक पर्यटनको केन्द्र भएको बताउँदै अन्तर्राष्ट्रिय समुदायलाई पोखरा भ्रमण गर्न आग्रह गर्नुभयो । नेपाल पर्यटन बोर्डका बोर्ड सदस्य मदन आचार्यले पाटाले प्रकृति र संस्कृतिको धनी पोखरामा आयोजना गरेको यस कार्यव्रmमले नेपाल र पोखराको पर्यटन प्रवर्धनमा सहयोग पुग्ने बताउनुभयो । पाटा इन्टरनेसनलका सचिव सुमन पाण्डेले पाटा इन्टरनेसनलले नेपालको समग्र पर्यटन विकासमा लामो समयदेखि सहयोग गर्दै आइरहेको बताउनुभयो । 

नेपाल पर्यटन बोर्डका कार्यकारी प्रमुख डा धनञ्जय रेग्मीले विभिन्न देशबाट सहभागी विज्ञ सदस्यबीच हुने छलफल तथा अन्तर्वि्रmयासहितको पाटा मार्टले पर्यटनमा नयाँ आयाम थप्ने अपेक्षा गरिएको बताउनुभयो । 

पोखरा पर्यटन परिषद्का अध्यक्ष पोमनारायण श्रेष्ठ, सम्मेलनमा कोभिड–१९ पछिको पर्यटन र पर्यटनका विभिन्न आयामका बारेमा प्यानल डिस्कसन तथा ‘बिटुबी’ लगायतका कार्यव्रmम हुने छन् । सम्मेलनमा दिगो पर्यटन, सङ्कट व्यवस्थापन, हवाई सुरक्षा, सामाजिक सञ्जाल, साहसिक र पर्वतीय पर्यटनलगायतका विषयमा छलफल हुने बताइएको छ ।