काठमाडौं। सरकारले पेन्सन पाउने उमेर ६२ बाट बढाएर ६४ बनाइदिएपछि फ्रान्सका जनता यति बेला आन्दोलनमा छन् । यो आन्दोलनले शान्तिपुर्ण संघर्षको संयम गुमाउने खतरा बढ्दै गएको छ । यही आन्दोलनका कारण अन्तत: बेलायतका राजाले आफ्नो आसन्न पेरिस भ्रमण नै रद्द गर्नु परेको छ ।
१६ मार्च देखि फ्रान्सका नागरिक आफ्नो सरकारविरूद्ध सडकमा छन् । फ्रान्सका युवा अधिकारकर्मी एलेक्सिस पोयार्ड भन्छन्- ‘फ्रान्सेली क्रान्ति यता निरन्तर आन्दोलन गर्नु हाम्रो संस्कार नै भइसक्यो। हामी आक्रोशित हुँदा आन्दोलित हुन्छौँ र परिणाम निकाल्नेगरी सडकमा उत्रन्छौँ’ उनले भने।
राष्ट्रपति इम्यानुअल म्याक्रोनले संसदमा मतदान गर्नु नपर्ने प्रावधानको फाइदा उठाउँदै निवृत्तिभरण पाउने सुविधाको उमेर अरु २ वर्ष बढाएपछि फ्रान्स सरकारविरूद्ध सडकमा उत्रिएको हो। नोबेल पुरस्कार विजेता एनी इरानक्स देखि लाखौँ सर्वसाधरण सडकमा आएका हुन्।
राष्ट्रगानमा राष्ट्रिय झण्डा र युनियनको झण्डा फहराउँदै उनीहरूले सरकारी निर्णय फिर्ताका लागि दबाब दिइरहेका छन्।
