एस् ए टी भी ०३ माघ, काठमाडौंः अमेरिकी राष्ट्रपति जो बाइडेनले बुधबार राति ओभल अफिसमा आफ्नो बिदाइ भाषण दिएका छन्। बाइडेनले आफ्नो अन्तिम भाषणमा भनेका छन्, 'देशमा धनीहरूको सानो वर्गको बर्चस्व बढ्दै गएको छ। यसले देश र लोकतन्त्रलाई खतरामा पारेको छ।'
उनले देशमा प्राविधिक औद्योगिक परिसर बढ्दै गएकोमा चिन्ता व्यक्त गरेका छन्। बाइडेनले यसलाई अमेरिकी नागरिकको अधिकारका लागि खतरा भनेका छन्।
बाइडेनले बुधबार बिहान एक पत्र पनि जारी गरे। त्यसमा उनले प्रतिबद्धता पूरा नभएको स्वीकार गरे।
बाइडेनको भाषण ट्रम्पले कार्यभार सम्हाल्नुभन्दा ५ दिनअघि भएको थियो। ओभल अफिसमा आफ्नो अन्तिम सम्बोधनमा उनले आफ्नो ५० वर्षको राजनीतिक करियरको पनि चर्चा गरेका थिए। उनले भने, ‘विश्वमा अमेरिकामा मात्र यस्तो हुनसक्छ, जहाँ एउटा हकलाउनेवाला बच्चा राष्ट्रपति हुन्छ।'
