कतारको दोहास्थित नेपाली दूतावास आउँदो बिहीबार बन्द रहने भएको छ । बुद्ध जयन्तीको अवसरमा जेठ १० गते सार्वजनिक बिदा रहेकाले दूतावास बन्द गर्न लागिएको हो ।
‘बुद्ध जयन्तीको अवसरमा मिति २०८१ जेठ १० गते बिहीबार तदनुसार २३ मे २०२४ का दिन राजदूतावास बन्द रहने व्यहोरा सम्बन्धित सबैलाई जानकारी गराइन्छ’, आज जारी सूचनामा उल्लेख छ ।
शान्तिका अग्रदूतका रुपमा विश्वमा परिचित सिद्धार्थ गौतमको जयन्ती पूजा, आराधना एवं प्रवचन गरी मनाउने गरिएको छ । यस अवसरमा बौद्ध धर्मावलम्बीले चैत्य, गुम्बा, विहारलगायतका स्थलमा लामा एवं बौद्ध धर्मगुरु राखेर परम्परादेखि हुँदै आएको पूजा गर्दछन् ।
