एजेन्सी — वासिङटन डिसीमा बुधबार भएको आक्रमणमा परेर घाइते भएका दुईजना नेशनल गार्डमध्ये एकजनाको मृत्यु भएको छ ।
२० वर्षाीया सराह बेकस्ट्रोमको उपचारका क्रममा मृत्यु भएको अमेरिकी राष्ट्रपति डोनाल्ड ट्रम्पले बिहीबार साँझ यसको जानकारी दिएका हुन् ।
अर्का घाइते २४ वर्षीय एन्ड्रियु उल्फीको उचार भइरहेको छ । उनीहरुमाथि गोली हानेको आशंकामा अभियोगमा अफगानिस्तानका २९ वर्षीय रमानुल्लाह लकनवाल पक्राउ परेका छन् ।
राष्ट्रपति ट्रम्पले यस घटनालगत्तै आप्रवासीहरुका कारण अमेरिकामा अपराध दर बढेको बताएका छन् । उनले अमेरिकामा स्थिरता र शान्ति सुव्यवस्था कायम गर्नका लागि आप्रवासनमा कडाई गर्नुको विकल्प नरहेको पनि दाबी गरेका छन् ।
