हङकङ । हङकङमा आगलागीमा परेर मर्नेको सङ्ख्या ५५ पुगेको छ । बिहीबार सार्वजनिक आवास अपार्टमेन्टहरूमा लागेको आगलागीमा परेर मर्नेको सङ्ख्या ५५ पुगेको सहरको अग्नि विभागले जानकारी दिएको हो ।
विभागका अनुसार ५१ जनाको मृत्यु दुर्घटनास्थलमै भएको र अरु ४ जनाको उपचारको क्रममा निधन भएको छ । आगो निभाउने क्रममा एक जना अग्नि नियन्त्रकको समेत मृत्यु भएको जनाइएको छ ।
आगलागी सुरु भएको झन्डै २४ घण्टा भइसक्दा पनि आगो पूरै निभाउन नसकिएको सञ्चारमाध्यामहरुले जनाएका छन् । प्रभावित बासिन्दालाई हङकङबासीहरूले खाद्यान्न र लत्ताकपडा लगायतका सामान सहयोग गरिरहेका छन् ।
अलिबाबा, एन्टा लगायत कयौँ चर्चित चिनियाँ कम्पनीले पनि ठुलो रकम दानको घोषणा गरेका छन् ।
