एस् ए टी भी १६ जेष्ठ, काठमाडौँः अमेरिकी राष्ट्रपति डोनाल्ड ट्रम्पले आज राति ११ बजे ह्वाइट हाउसको ओभल अफिसमा एलोन मस्कसँग पत्रकार सम्मेलन गर्दै छन्। ट्रम्पले सामाजिक सञ्जालमा पोस्ट गर्दै यो उनको अन्तिम दिन हो, तर उनी सधैं हामीसँगै रहने छन् र हामीलाई हरेक तरिकाले मद्दत गर्ने छन् भनी बताएका छन्। ट्रम्पले मस्क प्रतिभाशाली भएको बताए।
मस्कले हिजो अर्थात् बिहीबार एक्समा पोस्ट गरेर ट्रम्प प्रशासन छोड्ने बारेमा जानकारी दिएका थिए।
मस्कले भने, 'विशेष सरकारी कर्मचारीको रूपमा मेरो समय सकियो।' उनले यो जिम्मेवारीको लागि अमेरिकी राष्ट्रपति ट्रम्पलाई पनि धन्यवाद दिए।
ट्रम्पले मस्कलाई सरकार दक्षता विभाग (डीओजीई) को जिम्मेवारी दिएका थिए। जसको काम सरकारको फजुल खर्च घटाउनु थियो।
जानकारी अनुसार राष्ट्रपति बनेपछि ट्रम्पले मस्कलाई मे ३०, २०२५ सम्म मात्र डीओजीई प्रमुखको रूपमा नियुक्त गरेका थिए। यसको अर्थ मस्कको कार्यकाल उनले राजीनामा दिएको एक दिनपछि मात्र समाप्त हुँदै थियो।
मस्कको राजीनामाको सही कारण खुलाइएको छैन तर उनी ट्रम्पले बिग ब्युटिफुल भनेर वर्णन गरेको विधेयकको विरोध गरिरहेका थिए। मस्कले भनेका थिए, 'डीओजीईको उद्देश्य खर्च घटाउनु हो र यो विधेयक त्यसको विरुद्धमा छ।'
