राष्ट्रिय प्रजातन्त्र पार्टीले संसद बैठक अवरोध गरेपछि बैठक १५ मिनेट स्थगित भएको छ । बैठकको सुरुवातमै राप्रपाले आफ्ना कुराहरु राख्न नदिएको भन्दै रोष्टम घेराउ गर्दै अवरोध गरेका थिए ।
राेष्टम घेराउपछि सभामुख देवराज घिमिरेले १५ मिनेटको लागि बैठक स्थगित भएको जानकारी दिएका हुन् ।
बैठक सुरू भएपछि सभामुख देवराज घिमिरेले बैठकमा बजेटपूर्वको छलफल हुने भन्दै बैठकमा शुन्य समयबाहेको समय नराखिएको जानकारी गराएका थिए। राप्रपाका सांसदहरु उठेर आकस्मिक समयको माग गरेका थिए।
कारबाही अगाडी बढाउ र राख्नु पर्ने विषयमाथी छलफल गरौं भन्दै सभामुखले राप्रपा सांसद्लाई बस्न अनुरोध गरेका थिए । तर राप्रपा सांसद्हरुले नाराबाजी गर्दै रोष्ट्रम नछोडेपछि १५ मिनेटको लागि बैठक स्थगित गरेको जानकारी सभामुख घिमिरेले दिएका थिए।
