अवैध काठ कटान तथा चिरान मुद्दा लागेका एक जनालाई रुकुम अदालतले कैद र जरिवाना तोकेको छ । जिल्लाको चौरजहारी नगरपालिका-१० का कमल केसीलाई १४ दिन कैद र ५० हजार जरिवानाको फैसला भएको हो ।
जिल्ला न्यायाधीश खड्क बहादुर केसीको इजलासले उक्त फैसला गरेको हो । जिल्ला अदालत रुकुम पश्चिमका श्रेष्तदार कृत बहादुर बोहराका अनुसार केसी विरुद्ध डिभिजन वन कार्यालय रुकुम पश्चिममार्फत चलेको मुद्दाको फैसला भएको हो ।
केसीलाई कैद, जरिवानाको साथै बरामद गरिएको काठ र काठ चिर्ने मेसिन जफत गर्नेसमेत फैसला भएको श्रेष्तदार बोहोराले बताउनुभयो । १६२.४ क्युफिट सल्ला जातको काठ र काठ चिरानमा प्रयोग हुने आरा मेसिन जफत गर्ने फैसला भएको हो ।
