चलचित्र 'बोक्सीको घर' आजदेखि प्रदर्शनमा आएको छ । अन्धविश्वास र महिला हिंसाको कथावस्तु बोकेको चलचित्रले हलहरुमा रामो 'शो' पाएको देखिन्छ ।
सोसल-साइको थ्रिलर जनरामा बनेको यो चलचित्रलाई सुलक्षण भारतीले निर्देशन गरेका हुन् । भारतीसहित केकी अधिकारी, सुपला सापकोटा, स्वेच्छा राउत, रमा थपलिया लगायतको मुख्य अभिनय छ ।
आजै बलिउड चलचित्र 'रुस्लान' पनि प्रदर्शनमा आएको छ । आयुश शर्मा अभिनित उक्त फिल्मको टिजर र ट्रेलरले पनि दर्शकहरुको राम्रो प्रशंसा पाएको थियो ।
त्यस्तै, चलचित्र 'महाजात्रा' आजदेखि छैठौँ हप्तामा प्रवेश गरेको छ । चैत ९ गते रिलिज भएको यो चलचित्रले अझै पनि दर्शक तानिरहेको देखिन्छ ।
गत साता चलचित्रको निर्माण टिमले बक्स अफिसको कलेक्शन सार्वजनिक गरेको थियो । जसअनुसार य'महाजात्रा'ले नेपालभित्र १६ करोड र नेपालबाहिर १० करोडको कलेक्शन गरेको दाबी गरिएको छ ।
