काठमाडौँ – राष्ट्रिय फोटो पत्रकार समूह,नेपाल (एनएफपिजे)का सदस्यहरूले चाइना कल्चरल सेन्टरकी निर्देशक सियाओ जियाङसँग पनि भेटवार्ता गरेको छ। बुधबार संस्थाका अध्यक्ष प्रदीपराज वन्तसहित १५ सदस्यीय टोलीले काठमाडौँको महाराजगन्जस्थित कल्चरल सेन्टरमा पुगी भेट गरेका हुन्।
भेटघाटमा दुई देशीय फोटोग्राफी, फोटो प्रदर्शनी, सांस्कृतिक आदानप्रदान प्रवर्द्धन, भाषा कक्षालगायतका विषयमा छलफल भएको थियो। सेन्टरका निर्देशक जियाङले आगामी दिनहरूमा दुई देशीय फोटोग्राफी, कला, संस्कृतिलाई अभिवृद्धि गर्न अझ राम्रो सहकार्य गर्दै जाने जानकारी दिइन् ।
निर्देशक जियाङले एनएफपिजेका सदस्यहरूलाई कल्चरल सेन्टरमा हुने गरेका सम्पूर्ण गतिविधिको अवलोकन पनि गराएकी थिइन्। अवलोकनका क्रममा सदस्यहरूले पेपर कटिङ, क्यालिग्राफी, पुस्तकालय भ्रमण, भिडियो शोमा सहभागी जनाएका थिए ।
