काठमाडौं । गायक प्रकाश सपुतले आफ्नो पछिल्लो गीत ‘जाली रुमाल फाट्यो..’ मा समावेश ‘भद्दा’ संवादलाई हटाएका छन् । गीतको भिडिओको अन्त्यमा सपूत र स्वस्तिमा कार्कीबीचको संवाद विवादित बनेको थियो ।
हरेकजसो गीतमा ‘कन्ट्रोभर्सी’ खेप्दै आएका सपूतमाथि यस गीतलाई पनि जानाजान ‘कन्ट्रोभर्सी’ मा ल्याउन खोजेको आरोप लागेको थियो । तर, उनले तुरुन्तै आफ्नो ‘गल्ती’ सच्याएर विवादलाई किनारा लगाएका हुन् ।
गायिका समीक्षा अधिकारीको आवाजमा रहेको गीत अहिले युट्यूवको नम्बर १ ट्रेन्डिङमा छ । तीन दिनमा २८ लाख भ्यूज पाएको गीतमा झण्डै आठ हजारजनाले कमेन्ट गर्न भ्याइसकेका छन् ।
दुई वर्षअघि ल्याएको ‘कुरा बुज्नु पर्च’ को सिक्वेलका रूपमा सपूतले यो गीत ल्याएका हुन् । दर्शक/स्रोताले गीत निकै रुचाएका छन् । तर, एउटा संवादले गर्दा किरकिरी भएको थियो ।
अहिले भिडिओमा सपुतले स्वस्तिमा खड्कालाई प्याड दिएको दृष्य छ, तर त्यसपछिको संवाद हटाइएको छ ।
