काठमाडौं, लोकगायक एवम् सर्जक प्रकाश दूतराजले नयाँ गीत सार्वजनिक गर्नुभएको छ । कौडा भाकाको यो युगल गीतमा प्रकाश र गायिका मेलिना राईको स्वर छ ।
गीतलाई प्रकाशले आफ्नो सुपरहिट गीत ‘घर कता हो बैनीको’को सिक्वेलका रूपमा स्रोता एवम् दर्शकसामु पेस गर्नुभएको हो । उहाँकै शब्द एवं सङ्गीत रहेको गीतमा सङ्गीत संयोजनको काम श्यामश्वेत रसाइलीको छ ।
भिडियोमा ‘घर कता हो बैनीको’ गीतकै कलाकारहरू प्रस्तुत छन् । प्रकाश दूतराजसँगै विजय पुन, जुना सुन्दास र आयुष्मा कार्कीको अभिनय भिडियोमा हेर्न सकिन्छ ।
मौसम हिमालीको निर्देशन, अनिल के। मानन्धरको छायाङ्कन रहेको ‘जुन माया’ भिडियोलाई नवीन घर्ती मगरले सम्पादन गर्नुभएको हो ।
