अमेरिकाको अलाबामा राज्यमा जन्मदिनको पार्टीमा भएको गोलीकाण्डमा कम्तीमा चार जनाको मृत्यु भएको छ। शनिबार डेडेभिल सहरको महोगनी मास्टरपिस डान्स स्टुडियोमा गोली चल्दा २८ जना घाइते भएका छन्, जसमा केही गम्भीर छन्।
स्थानीय सञ्चारमाध्यमका अनुसार शनिबार राति स्थानीय समयअनुसार १०ः३० बजे डेडेभिल सहरमा एउटा जन्मदिनको पार्टीमा गोली चलेको थियो। मारिनेमा स्थानीय स्टार खेलाडी पनि रहेका बताइएको छ।
अमेरिकामा शनिबार पनि केन्टकी राज्यको लुइसभिलको एउटा पार्कमा गोली चलेको अर्को घटना भएको छ। उक्त घटनामा दुई जनाको मृत्यु भएको र चारजना घाइते भएका थिए।
अमेरिकामा बारम्बार यस्ता गोली काण्डहरु भइरहेका हुन्छन्। राष्ट्रपति जो बिडेनले घटना पछि कडा बन्दुक कानूनको लागि आफ्नो आह्वान नवीकरण गरेका छन्।
'बालबालिका बिना डर बिना जन्मदिनको पार्टीमा उपस्थित हुन नसकेपछि हाम्रो देश के भयो?' राष्ट्रपति बाइडेनले ह्वाइट हाउसले निकालेको विज्ञप्तिमा प्रश्न गरेका छन्।
