चीनका राष्ट्राध्यक्ष सी चिन फिङले शुक्रबार फ्रान्सका राष्ट्रपति इमानुएल म्याक्रोनसँग दक्षिण चीनको ग्वाङ्डोङ प्रान्तको राजधानी ग्वाङ्झाउमा अनौपचारिक भेटवार्ता गर्नुभएको छ।

सीले म्याक्रोनको ग्वान्झाउ भ्रमणको न्यानो स्वागत गर्दै म्याक्रोनलाई पुन भेट्न पाउँदा ठूलो खुशी व्यक्त गर्नुभयो। दुई नेताहरू दक्षिणी चिनियाँ बगैंचाको अनुपम दृश्यको आनन्द लिनको लागि बेयुन पर्वतको नजिक पाइन बगैंचामा घुम्न जानुभयो। उहाहरूले पानीको छेउमा चिया पिउदै, दृश्यको आनन्द लिनुभयो र विगत र वर्तमानको बारेमा छलफल गर्नुभयो। सी र म्याक्रोनले बेयुन हलमा गुकिनको धुन “हाई माउन्टेन र फ्लोइङ वाटरू” सुन्नु भए पस्चात सीले म्याक्रोनलाई डिनरमा निम्तो गर्नु भएको थियो।

सीले आजको चीनलाई बुझ्नको लागि यसको इतिहास बुझेर सुरु गर्नुपर्ने बताउनुभयो। ग्वाङ्झाउ चीनको प्रजातान्त्रिक क्रान्तिको उद्गम स्थल र चीनको सुधार र खुलापनको अग्रगामी हो। अब ग्वाङझाउले उच्च गुणस्तरीय विकासको लागि लोकोमोटिभको भूमिका खेल्दै गुआङडोङ-हङकङ-मकाओ ग्रेटर बे एरियाको विकासलाई सक्रिय रूपमा प्रवर्द्धन गरिरहेको जानकारि गराउनु भएको छ।

सीले चिनियाँ आधुनिकीकरणका आवश्यक विशेषताहरू र मुख्य तत्वहरूबारे म्याक्रोनलाई जानकारी दिँदै चीनले चौतर्फी रूपमा चिनियाँ आधुनिकीकरणलाई अगाडि बढाएको उल्लेख गर्नुभएको छ। यो चिनियाँ विशेषताहरूसहितको समाजवादी आधुनिकीकरणको सिद्धान्त र अभ्यास हो, जुन बारम्बार सुधार, खुलापन र नवीन विकासको माध्यमबाट विस्तारै अस्तित्वमा आएको छ। यो आधुनिकीकरण को सामान्य कानून को अनुरूप छ र अद्वितीय विशेषताहरु छ।

म्याक्रोनले साँचो मित्रता भनेको आपसी समझदारी र आपसी सम्मान हो तसर्थ फ्रान्सले फ्रान्स र युरोपलाई स्वतन्त्र र एकताबद्ध हुन चीनको निरन्तर समर्थनको कदर गर्ने, एकअर्काको सार्वभौमसत्ता र क्षेत्रीय अखण्डता जस्ता मुख्य हितहरूको सम्मान गर्ने, एकअर्कालाई आफ्नो बजार खुला गर्ने, प्राविधिक तथा औद्योगिक सहयोगलाई सुदृढ गर्न चीनसँग काम गर्ने तयारि चलिरहेको बताउनु भयो।

सीले युक्रेनको संकट बारे नोट गराउदै, लामो समयसम्म संकटले कसैको हित नगर्ने भएकाले, जतिसक्दो चाँडो युद्धविराम गराउन तर्फ आफ्नो पहलबारे जानकारि गराउदै राजनीतिक समाधान मात्रै सही समाधान हुने र सम्बन्धित सबै पक्षको हित हुने बताउनु भएको छ। उहाले चीन सधैं निष्पक्षता र न्यायको पक्षमा उभिने र सबै सम्बन्धित पक्षहरूलाइ आ(आफ्नो जिम्मेवारी वहन गराउदै राजनीतिक समाधानको अवस्था सिर्जना गर्न संयुक्त प्रयास गर्नुपर्ने जोड दिनुभएको हो। चीनले संकटको राजनीतिक समाधानका लागि फ्रान्सको ठोस प्रस्तावलाई स्वागत गर्दछ र यसलाई समर्थन गर्न र रचनात्मक भूमिका खेल्न तयार रहेको सीले बताउनु भएको छ।

फ्रान्सले युक्रेन संकटको राजनीतिक समाधानका लागि सबै पक्षको जायज चासोलाई ध्यानमा राख्नुपर्ने कुरामा पनि विश्वास राखेको भन्दै फ्रान्सले चीनको अन्तर्राष्ट्रिय प्रभावलाई ठूलो महत्त्व दिने र संकटको प्रारम्भिक राजनीतिक समाधानको लागि चीनसँग मिलेर काम गर्न इच्छा ब्यक्त गर्नुभएको छ।

बेइजिङ र ग्वाङ्झाउमा म्याक्रोनसँग भएको दुई दिने गहिरो र उच्च गुणस्तरको आदानप्रदानले आपसी समझदारी र विश्वास बढाएको र द्विपक्षीय तथा अन्तर्राष्ट्रिय स्तरमा दुई पक्षबीचको भावी सहयोगको बाटो तय गरेको सीले बताउनुभयो।

चीन(फ्रान्स सम्बन्ध, चीन(ईयू सम्बन्ध र धेरै अन्तर्राष्ट्रिय र क्षेत्रीय मुद्दाहरूमा समान दृष्टिकोण रहेकोमा सीले आफू खुसी भएको बताउनुभएको छ, जसले चीन(फ्रान्स सम्बन्धको उच्च स्तर र रणनीतिक प्रकृतिलाई दर्साउँछ। उहाले म्याक्रोनसँग घनिष्ठ रणनीतिक सञ्चार कायम राख्न र द्विपक्षीय व्यापक रणनीतिक साझेदारीलाई नयाँ उचाइमा पुर्‍याउन चाहेको बताउनुभयो।

म्याक्रोनले आफ्नो आतिथ्य र विस्तृत व्यवस्थाको लागि सीलाई धन्यवाद दिदै दुई नेताहरू बीचको मैत्रीपूर्ण, गहिरो आदानप्रदानको अतिरिक्तमा,  चीनको लामो इतिहास, चिनियाँ शासन र भव्य संस्कृतिको कदर गर्न सक्षम भएको र आधुनिक अवधारणाहरूको सीलाई राम्रो बुझाइ रहेको बताउनुभयो।

म्याक्रोनले भ्रमण सफल र फलदायी भएको र यसले द्विपक्षीय सम्बन्धलाई थप विकासतर्फ अघि बढाउने बताउनु भएको छ। उहाले सीसँग नजिकको रणनीतिक सञ्चार कायम राख्न आफू इच्छुक रहेको बताउँदै चिनियाँ राष्ट्रपतिलाई अर्को वर्ष फ्रान्स भ्रमणमा आउन निमन्त्रणा समेत गर्नुभएको छ।