जनवादी गणतन्त्र चीनको साहित्यिक एवं सांस्कृतिक टोली काठमाडौँ आइपुगेको छ । लु छुन कल्चरल फाउन्डेसनका अध्यक्ष झाउ लिङफेई नेतृत्वको टोलीलाई एसएस फाउन्डेसनले काठमाडौँमा विशेष समारोहबिच स्वागत एवम् सम्मान गरेको छ ।
फाउन्डेसनका संरक्षक शोभित उप्रेती र अध्यक्ष मदनदास श्रेष्ठले मित्र राष्ट्र चीनका सर्जकहरूको भ्रमणले एक अर्काको संस्कृति, साहित्य र सभ्यताको विकासमा मद्दत पुग्ने विश्वास व्यक्त गरे ।
समारोहमा नेपाली पहिचान झल्काउने कौडा, हुड्क्यौली र नेवारी गीत संगीत प्रस्तुत गरिएको थियो । चिनियाँ टोलीले पाटन दरबार लगायत उपत्यकाका ऐतिहासिक एवम् पुरातात्त्विक क्षेत्रको अवलोकन पनि गरेको थियो ।
