वैशाख २ गते । नेपाल भ्रमणका लागि बेलायती सेनाको उच्चस्तरीय टोली हिजो काठमाडौं आइपुगेको छ ।
मेजर जनरल गेराल्ड स्ट्रिकल्याण्डको नेतृत्वमा दुई सदस्यीय टोली शनिबार अपरान्ह पौने ५ बजे काठमाडौं आइपुगेको हो । बेलायती सेनाका अवकाशप्राप्त कर्नेल एल्टोन डेभिससहितको टोली कतार एअरवेजको उडान नम्बर क्युआर ६८४ मा दोहा हुँदै आएको बताइएको छ ।
बेलायती सेनाको उच्चस्तरीय टोलीको गुर्खा वेलफेयर ट्रस्ट अवलोकन गर्ने, बुधबार बिहान पोखरा गएर शुक्रबार काठमाडौं फर्कने कार्यक्रम छ ।
टोली आगामी शनिबार बिहान १० बजे कतार एअरवेजको उडान नम्बर क्युआर ६४९ मा दोहा हुँदै स्वदेश फर्कने छ ।
