एस् ए टी भी १६ मङ्सिर काठमाण्डौंः कर्णाली प्रदेशका आठ स्थानमा गाउँपालिका अध्यक्ष, नगरपालिकाको उपमेयर र वडाअध्यक्षका लागि मतदान भइरहेको छ। बिहान ७ बजेदेखि सबै मतदान केन्द्रमा शान्तिपूर्ण रुपमा भइरहेको कर्णाली प्रदेश प्रहरी प्रमुख (डिआइजी)जनक भट्टराईले जानकारी दिए।
दैलेखको महावु गाउँपालिका अध्यक्ष, जाजरकोटको नलगाड नगरपालिका उपप्रमुख र हुम्लाको सर्केगाड गाउँपालिका उपाध्यक्ष पदका लागि मतदान जारी छ।
दैलेखको दुल्लुनगरपालिका–१३, कालिकोटको तिलागुफा–४, जाजरकोटको कुशे गाउँपालिका–७, डोल्पाको त्रिपुरासुन्दरी नगरपालिका–५ र रुकुमपश्चिमको सानोभेरी नगरपालिका–५ मा वडाअध्यक्ष पदको मतदान भइरहेको छ। उपनिर्वाचनमा ४४ जना उम्मेदवार चुनावी मैदानमा छन्।
