एस् ए टि भी, जेठ २८ गते। लुलाङ पठार ड्र्यागन बोट रेसमा सात टोलीहरू प्रतिस्पर्धा गरेका छन्। आज लुलाङ चाथाङ लुछोओको रमणीय जलक्षेत्रमा, उल्लेखनीय "लुलाङ चीन-नेपाल मैत्रिपुर्ण ड्र्यागन बोट रेस" को प्रारम्भिक राउन्ड सम्पन्न भएको छ।
नेपाल, सिङ्गापुर र चीनका सातवटा ड्र्यागन बोट टोलीले कडा प्रतिस्पर्धा गरेका छन् । यस प्रतिस्पर्धामा, प्रत्येक टोलीले उत्कृष्ट खेलकुद र दृढ मनोबलका साथ ड्र्यागन बोट खेलको आकर्षण बढेको देखिएको छ। सात टोलीको सहभागितामा आयोजना भएको ड्र्यागन बोट रेसको प्रारम्भिक चरणलाई सहज बनाउन सहभागि टोलीलाई समूह चरणमा बिभाजन गरिएको थियो।
बिहानको प्रतिस्पर्धापछि नेपाली ड्र्यागन बोट टोलीले पठारको मापदण्डमा पहिलो पटक भए पनि राम्रो प्रतिस्पर्धात्मक स्तर देखाउँदै प्रारम्भिक चरणमा सात टोलीमध्ये पहिलो स्थान हात पारेका थिए। प्रारम्भिक राउण्डको सफल समापनसंगै, अर्को प्रतियोगिता थप तीव्र हुनेछ। सबै सहभागी टोली आगामी फाइनलमा आफ्नो उत्कृष्ट प्रदर्शन गर्न तयार छन्।
यस प्रतिस्पर्धा चिनियाँ परम्परागत क्यालेण्डरको पाँचौं महिनाको पाँचौं दिन आयोजना गर्ने प्रचलन छ। यो चीनका चार प्रख्यात परम्परागत पर्व तथा महोत्सवमध्येको एक हो। ड्र्यागन डुङ्गा महोत्सव चिनियाँहरुले मानव जीवन र मृत्युको स्मरणमा परापूर्वकालदेखि मनाउने गर्दछन्। यसलाई चिनियाँहरुले पारिवारिक र समुदायको पुनर्मिलनको रुपमा पनि लिने गरेका छन्।
