कोशी प्रदेश सरकारले आगामी आर्थिक वर्ष २०८१/०८२ को नीति तथा कार्यक्रम सार्वजनिक गरेको छ। सोमवार कोशी प्रदेशका प्रदेश प्रमुख पर्शुराम खापुङले प्रदेशसभामा कोशी प्रदेश सरकारको आगामि आर्थिक वर्षको नीति तथा कार्यक्रम प्रस्तुत गरेका हुन्।
प्रदेश प्रमुख खापुङले प्रस्तुत गरेको नीति तथा कार्यक्रममा प्रदेश सरकारले कृषि र पर्यटनलाई प्राथमिकतामा राखिएको छ। कोशी प्रदेशमा आगामि वर्ष लगानी सम्मेलन गर्ने, विदेशमा नेपाली चीया प्रबद्र्धन गर्न अन्तराष्ट्रिय चीया सम्मेलन गर्ने, अतिविपन्न, गरिबीको रेखा मुनि रहेका युवाहरूलाई सीप र प्रविधि मार्फत स्वरोजगार बन्न प्रेरित गर्ने नीति र कार्याक्रममा उल्लेख छ।
यस्तै कोशी प्रदेशलाई नेपालको धानवीउ स्रोत केन्द्रका रुपमा स्थापित गर्ने, किसानलाई पशुपालनमा सहुलियत कर्जाको व्यवस्था गर्ने, प्रदेशमा स्टार्टअप नीति तर्जुमा गर्ने, प्रदेश भित्रका १० वर्ष मुनिका लक्षित बालबालिकालाई प्रदेश मातहतका विशेषज्ञ सेवा उपलब्ध भएका स्वास्थ्य संस्थाबाट निःशुल्क स्वास्थ्य सेवालाई निरन्तरता दिने नीति तथा कार्यक्रममा उल्लेख छ।
प्रदेश सरकारले जेष्ठ नागरिक, मानव आश्रम, बृद्ध आश्रमलगायतका स्थामा आश्रय लिइरहेका नागरिकलाईसमेत स्वास्थ्य सेवा दिने नीति लिने भएको छ। यस्तै कडा रोगलागेका प्रदेशका नागरिकहरूलाई दिने सहायतालाई पनि प्रदेश सरकारले निरन्तरता दिने नीति तथा कार्यक्रममा उल्लेख छ।
