नेपाल पर्यटन बोर्डले आज पत्रकार सम्मेलनको आयोजना गरेको छ ।
नेपाल पर्यटन बोर्ड, नेपालस्थित जनवादी गणतन्त्र चीनको राजदूतावास र पोखरा महानगरपालिकाको सहकार्यमा नेपाल–चीन मैत्री ड्र्यागन बोट रेस फेस्टिभल असार ८ र ९ गते पोखरामा आयोजना हुने नेपाल पर्यटन बोर्डले आज पत्रकार सम्मेलन मार्फत जानकारी गराएको छ ।
कार्यक्रम पोखरा पर्यटन परिषद र ओभरसिज चाइनिज एसोसिएसन अफ पोखराले संयुक्त रुपमा आयोजना गर्न लागेको हो । होटल एसोसिएसन अफ नेपाल (हान), नेपाल एशोसिएसन अफ र्याफ्टिङ एजेन्सीज (नारा), नेपाल र्याफ्टिङ एण्ड क्यानोइङ एसोसिएसन (एनआरसीए) लगायत अन्य पर्यटन संघसंस्थाले पनि कार्यक्रममा सहभागिता जनाउने भएका छन् ।
कार्यक्रममा आफ्नो मन्तब्य राख्नु हुँदै पर्यटन बोर्डका निर्देशक धनञ्जय रेग्मी । तस्बिर-विशाल श्रेष्ठ/ एस ए टि भि
ड्र्यागन बोट रेस ५० भन्दा बढी देश र क्षेत्रहरुमा आयोजना भईसकेको छ भने यस वर्षदेखी एसियाली खेलकुदमा पनि प्रवेश गरेको छ । पोखरा र नेपालको पर्यटन उत्पादनमा विविधता ल्याउने कार्यक्रमलाई वार्षिक पर्यटन उत्पादनका रूपमा सञ्चालन गरिने，पर्यटन बोर्डका निर्देशक धनञ्जय रेग्मीले बताउनु भएको हो ।
कार्यक्रममा आफ्नो मन्तब्य राख्नु हुँदै चिनियाँ राजदूतका उपप्रमुख वाङ सिन । तस्बिर-विशाल श्रेष्ठ/ एस ए टि भि
कार्यक्रम, दुई देशबीचको जनसम्बन्धलाई अझ प्रगाढ बनाउन र नेपालमा चीनीयाँ पर्यटन प्रवद्र्धनमा सद्भाव र न्यानोपनलाई अगाडि बढाउन केन्द्रित रहेको चिनियाँ राजदूतका उपप्रमुख वाङ सिनले बताउनु भयो । नेपाल पर्यटन बोर्ड, जनवादी गणतन्त्र चीनको राजदूतावास र पोखरा महानगरपालिकाबीच मे ४, २०२३ मा भएको औपचारिक सम्झौताबाट कार्यक्रमलाई औपचारिकता दिइएको उहाँले जानकारी गराउनु भएको हो।
यो कार्यक्रम पोखरा र नेपालका साथै दक्षिण एसियामा पनि आफ्नो किसिमको पहिलो हो र यसले विश्वभर नेपालको भिजिबिलिटी बढाउने अपेक्षा गरिएको छ ।
कार्यक्रम हाइलाइट्समा, नेपाल-चीन र सिंगापुरबाट फेवातालमा २०० मिटर र ५०० मिटर दौडमा ८ टोलीको सहभागिता रहने छ र त्यसपछि दुवै देशका सांस्कृतिक प्रस्तुति र खाद्य प्रदर्शनी समावेश गरिएको छ।
फोटो फिचर्स
