काठमाडौं । नयाँवर्ष २०७९ सालको अवसरमा ‘शान्ति खोज्न’ बोलको गीत सार्वजनिक भएको छ । ‘शान्ति खोज्न’ बोलको गीतको भिडियो ‘तारा सितारा’ युट्यूब च्यानलमार्फत सार्वजनिक भएको हो । गीतमा गायक प्रमोद खरेलको स्वर रहेको छ । सुदीपजंग थापाको शब्द रहेको गीतमा विकास चौधरीको संगीत रहेको छ ।
गीतका एरेन्जर रोशन बान्तवा हुन् । निकै मर्मस्पर्शी ‘शान्ति खोज्न’ गीतको भिडियोलाई सुमन श्रेष्ठ थापाले निर्माण गरेका छन् । निर्माता श्रेष्ठले नेपाली गीत संगीतलाई प्रमोट गर्दै जाने बताए । निर्देशक कृष्ण पौडेलको निर्देशन रहेको भिडियोमा विजय लामाको मुख्य भूमिका रहेको छ ।
साथै हिरा सापकोटा, निहिता सापकोटा, युवराज वाईवा मौसमी खनाल, सरु लगायतको पनि अभिनय रहेको छ । भिडियोको छायाँकन, सम्पादन तथा रंग संयोजन युवराज खत्रीले गरेका छन् ।
