काठमाडौं । ‘कुरा काट्ने मान्छेले काटुन्’, ‘मन बुढो भएन’ लगायतका हिट गीतका गायक सुवास पुरीको प्रस्तुति रहेको गीत ढोकै खुलेनको भिडियो सार्वजनिक भएको छ । जसमा बहुचर्चित गायक राजनराज शिवाकोटी र गायिका सरु गौतमको सुमधुर स्वर रहेको छ ।
गायक तथा संगीतकार शिवाकोटीकै शब्द र संगीत रहेको गीतमा एक प्रेमील जोडीको प्रेमको रमाइलो किस्सालाई भिडियोमा कलात्मक शैलीमा देखाइएको छ । जसमा टिकटकबाट चर्चा कमाएकी मोडल समारिका ढकाल र प्रथम क्षेत्रीको अभिनय देख्न सकिन्छ ।
