पेरिसमा भएको लिलामीमा विश्व प्रशिध्द मोनालिसाको चित्रको प्रतिलिपि २ लाख १० हजार युरोमा बिक्री भएको छ।
तत्कालिन फ्रान्सेली राजा फ्रान्कोइस सन १५१८ मा चित्रकारबाट किनेको सो चित्र पेरिसको लुभ्र संग्रहालयमा हेर्न सकिन्छ।
सो चित्रको विशेषता भनेको चित्रमा रहेको युवतीको रहस्यमय मुस्कान हो जुन आज विश्वमा सबैभन्दा चर्चित चित्रका रुपमा लिने गरिएको छ।
मंगलवार मोनालिसाको प्रतिलिपी चित्रको लिलामीको बोलकबोल १६ सय युरोबाट सुरु भएको थियो। लिलाममा सम्बन्धित अधिकारीहरुले सो चित्र १ लाख ५० हजारदेखि २ लाख युरो सम्ममा बिक्री हुने अपेक्षा गरेका थिए।
गत जुनमा एकजना युरोपेली संग्रहकर्ताले पेरिसको क्रिस्टीजमा २९ लाख युरोमा मोना लिसाको अर्को १७ औं शताब्दीको चित्रको प्रतिलिपि किनेका थिए, जुन पुनरुत्पादनको लागि रेकर्ड हो।
