बलिउडका दिग्गज अभिनेता दिलीप कुमारको निधन भएको छ। बुधबार बिहान ९८ वर्षको उमेरमा उनको निधन भएको हो।
दिलीप कुमारले बुधबार बिहान ७:३० बजे मुम्बईको खार हिन्दुजा अस्पतालमा निधन भएको सो अस्पतालका डाक्टर पार्करले जनाएका छन्।
११ डिसेम्बर १९२२ मा तत्कालीन ब्रिटिश इण्डियाको पेशावर (हाल पाकिस्तान) मा जन्मिएका दिलीप कुमारको वास्तविक नाम मोहम्मद युसुफ खान थियो।
करिब २२ वर्षको उमेरमा उनले फिल्ममा काम सुरु गरेका थिए। उनले १९४४ मा फिल्म ‘ज्वार भाटा’ मा काम गरेका थिए। यद्यपि यो फिल्मले धेरै चर्चा पाएन।
